Föstudagur á cafe optimistanum.

Föstudagur á ný. Sit hérna inn á kaffistað hér í Odense sem heitir því merka nafni Cafe Optimisten. Þetta er staður sem er rekinn og held ég alveg örugglega í eigu íslendinga hér í bæ. Ekki frá því að nafngiftin sé alveg í takt og að auki þá í miðjum rökkvuðum reyknum þá er ekki laust við að manni detti í hug nafn á netagerð heima á Íslandi. Ef þið fattið þennan ekki þá megið þið senda mér póst til að fá nánari skýringu.
Staðurinn er ?kúl? og jafnvel svalur. Er að spá í að kíkja hérna í kvöld kannski og tékka á stemmingunni. Væri fróðlegt að sjá hvort það verði einhver slangur af þjóðbræðrum og þjóðsystrum hér í kvöld að fá sér í tána á gamla móðinn. Kannski ekki svo gamalt.

Skólinn var alveg ágætur í dag. Lærðum um innkaupapælingar og þrátt fyrir að efnið hljómi þurrara en húðin á búskmanni á sólskinsdegi þá var þetta bara nett gaman og margar pælingar skemmtilegar.

Á morgun spilar liðið sem ég æfi með einn leik á heimavelli. Ég verð að öllum líkindum á bekknum, enda sárvantar menn. Held að það sé frekar af illri nauðsyn að ég verði á leikskýrslu. Er einmitt búinn að afboða mig á landsliðsæfingu heima vegna þessa leiks. Vona að landsliðsþjálfarinn skilji mikilvægi þessa leiks.

Jamm, annars er bara allt svo sem fínt að frétta, maður er bara í sama pakkanum. Skóli, samviskubit yfir því að vera ekki búinn að lesa meira, peningalaus, kvenmannslaus, bráðum nærbuxnalaus (þarf að þvo:o) ), smá svefn inn á milli og já svo er ég líka viðþolslaus. Hmm hvaða fleiri orð enda á laus og lýsa ástandi....smellið á commentið.

Jæja kaffibollinn er tæmdur, alveg ágætis Espresso sem ég fékk.

Kveðja í bili og endilega smellið nú einhverju commenti hjá mér (þakka öll comment sem hafa komið, ekki misskilja mig)

Arnar Thor